برلن،20مارچ(ایس او نیوز؍آئی این ایس انڈیا)جرمنی کی خاتون وزیر دفاع اْرزْولا فان ڈیئر لائن کے مطابق امریکی صدر ڈونلڈ ٹرمپ کا یہ دعویٰ درست نہیں ہے کہ نیٹو کی کافی زیادہ رقوم برلن حکومت کے ذمے واجب الادا ہیں۔ جرمنی کی طرف سے نیٹو کے لیے فوجی اخراجات کے معاملے پر دونوں ممالک کے تعلقات میں تناؤ پایا جاتا ہے۔ امریکی صدر ڈونلڈ ٹرمپ نے جرمن چانسلر انگیلا میرکل سے ملاقات کے چند گھنٹوں بعد ہفتے کے روز اپنے ایک ٹوئیٹ میں کہا تھا کہ جرمنی کے ذمے نیٹو کی ’’بڑی رقوم واجب الادا ہیں‘‘۔ ٹرمپ کے عہدہ صدارت سنبھالنے کے بعد سے دونوں رہنماؤں کی یہ پہلی ملاقات تھی۔